All die Puute senn op Trab
(von Josef Brocker)

All die Puute senn op Trab
En der Hand die Lämpche,
Op der Stroß un en der Gaß
Danze dausend Flämmche!

Leechter grön un gäl un rut,
Allerhand Latäne;
Diere, Hüser, Kirch un Dom,
Sonn un Mond un Stäne!

Vürre rick dä Mätensmann
Op dem wieße Pädche;
Met der Fackel en der Hand
Danz dat kleine Gretche.

Un mer trecke früh em Zog
Met dä bunte Lämpche;
Op der Stroß un en der Gaß
Danze dausend Flämmche!

Quelle: http://www.karnevalistenforum.de/thread.php?postid=264342#post264342